ምስሊ ካብ፤ Environment Canada
ብኣውራጃን ግዝኣታትን መባእታን ካልኣይን ደረጃ ትምህርቲ ዝከታተላ መንግስታዊ ሚኒስትሪታት፤
ትምህርቲ
መባእታን ካልኣይን ደረጃ ትምህርቲ
መባእታን ካልኣይን ደረጃ ትምህርቲ ኣብ ካናዳ ንህጻናትን መንእሰያትን ክልተ መሰረታዊ ደረጃታት ትምህርቲ እዮም። ኩሎም ህጻናትን መንእሰያትን ካናዳ ኣብ መንግስታዊ ኣብያተ ትምህርቲ ብነጻ፡ ብከፈልቲ ግብሪ ዝምወል መባእታን ካልኣይን ደረጃ ትምህርቲ ይረኽቡ። መብዛሕትኦም ተማሃሮ ካናዳ ኣብ መንግስታዊ ኣብያተ ትምህርቲ ይመሃሩ። ካብተን ብመንግስቲ ዝመሓደራ መንግስታዊ ኣብያተ ትምህርቲ ኣማራጺ ዝህባ ናይ ብሕቲ መባእታን ካልኣይ ደረጃን ኣብያተ ትምህርቲ እውን ኣለዋ።
ብሕጊ፡ ህጻናት ከከም ኣውራጃ ወይ ግዝኣት ካብ 5 ወይ 6 ዓመት ጀሚሮም ክሳብ ካብ 16 ክሳብ 18 ዓመት ዝበጽሑ ትምህርቲ ክመሃሩ ኣለዎም። ወለዲ ግና ደቆም ብመንግስቲ ዝመሓደር መንግስታዊ ቤት ትምህርቲ ወይ ኣብ ናይ ብሕቲ ቤት ትምህርቲ ዘይኮነስ ባዕሎም ኣብ ገዝኦም ናይ ምምሃር መሰል ኣለዎም።
ንናይ ትምህርቲ ሓላፍነት ዝስከማ መንግስታዊ ሚኒስትሪታት ርክብ ሓበሬታ ንምርካብ ኣብ ኣውራጃኻ ወይ ግዝኣትካ ጠውቕ፤
ድሕሪ ካልኣይ ደረጃ ትምህርቲ
ዩኒቨርሲቲታት፤
ኣብ ካናዳ ዩኒቨርሲቲታት ዋላ እኳ ገና ክፍሊት ትምህርቲ ክትከፍል እንተለካ ብኸፊል ብመንግስቲ ዝምወላ ናጻ ትካላት እየን። ዩኒቨርሲቲታት ኣብ ብዙሓት ዓውድታትን ትምህርትታትን ናብ ዝተፈላለየ ዓይነት ዲግሪ ዝመርሑ መደባት ይህባ። ናይ መጀመርታ ዲግሪ ብዩኒቨርሲታት ካናዳ ዝወሃብ መሰረታዊ ዲግሪ ኮይኑ፡ ብሓፈሻ ንኽዛዘም ካብ ሰለስተ ክሳብ ኣርባዕተ ዓመት ይወስድ። ማስተርስ ዲግሪ ዝያዳ ምዕቡል ዲግሪ ኮይኑ መብዛሕትኡ ግዜ ካብ ሓደ ክሳብ ሰለስተ ተወሳኺ ዓመት ትምህርቲ ዝሓትት እዩ። ዶክትሬት ዲግሪ ብዩኒቨርሲታት ካናዳ ዝቐርብ ዝለዓለ ዲግሪ ኮይኑ፡ ብሓፈሻ ድሕሪ ማስተርስ ዲግሪ ንሰለስተ ዓመትን ልዕሊኡን መጽናዕትን ምርምርን የድሊ።
ኮሌጃትን ኢንስቲትዩታትን፤
ብዙሓት ዓይነታት ኮለጃትን ኢንስቲትዩታትን ኣለዉ። ገሊኦም ብመንግስታት ብወግዒ ኣፍልጦ ዝረኸቡ ኮይኖም፡ ብኸፊል ዘመሓድሩዎምን ዝበዝሕ ምወላኦም ካብ ዶላር ከፈልቲ ግብሪ ዝህቡን እዮም። ዝተፈላለየ ኣስማት ኣለዎም፡ “ኮለጃት”፡ “ኮሌጃት ማሕበረሰብ”፡ “ኮለጃት ተግባራዊ ስነ-ጥበብ ወይ ተግባራዊ ቴክኖሎጂ”፡ “ትካላት ቴክኖሎጂ ወይ ሳይንስ” ወይ “collèges d’enseignement général et professionnel” (CEGEPs) ኣብ ኩቤክ። ካልኦት ኮለጃትን ኢንስቲትዩታትን ምሉእ ብምሉእ ናይ ብሕቲ ኮይነን መብዛሕትኡ ግዜ “ናይ ሞያ ኮለጃት” ተባሂለን ይጽውዓ።
ፕሮግራም ትምህርቲ ምምራጽን ናብ ድሕሪ ካልኣይ ደረጃ ትካላት ምምልካትን፤
-
ዲግሪ ፕሮግራማት ዝህባ ዩኒቨርሲቲታትን ኮለጃትን
ማሕበር ዩኒቨርሲቲታትን ኮሌጃትን ካናዳ፤
www.univcan.ca ዝብል መርበብ ሓበሬታ
ስልኪ፡ 613-563-1236
ፋክስ፡ 613-563-9745
-
ኮለጃት።
ማሕበር ኮሚኒቲ ኮሌጃት ካናዳ፤
www.collegesinstitutes.ca ዝብል መርበብ ሓበሬታ
ስልኪ፡ 613-746-2222
ፋክስ፡ 613-746-6721
-
ናይ ሞያ ኮለጃት።
ሃገራዊ ማሕበር ሞያዊ ሴልጀስ፤
www.nacc.ca ዝብል መርበብ ሓበሬታ
ስልኪ፡ 519-753-8689
ፋክስ፡ 519-753-4712
ናይ መረጋገጺ ኣፍልጦ፤
ኣብ ብዙሕ ኣጋጣሚታት፡ ሓደስቲ መጻእቲ ኣብ ካናዳ ኣብ ዝርከብ ድሕሪ ካልኣይ ደረጃ ትምህርቲ ቅድሚ ክመሃሩ ምኽኣሎም፡ ነቲ ዝጸንሐ ናይ ትምህርቲ መረጋገጺኦም ብወግዒ ኣፍልጦ ክወሃቦም ኣለዎ። ብኻልእ ኣዘራርባ፡ ኣብ መበቆል ሃገርካ ዝረኸብካዮ ናይ ትምህርቲ መረጋገጺ ምስቲ ኣብ ካናዳ ዝቐርብ ተመሳሳሊ መረጋገጺ ማዕረ ወይ ዝወዳደር ምዃኑ ከተረጋግጽ ክትግደድ ትኽእል ኢኻ።
ወጻኢታትን ፋይናንሳዊ ሓገዝን፤
ብዙሓት ድሕሪ ካልኣይ ደረጃ ዝርከባ ትካላት ካብ መንግስቲ ገለ ገንዘባዊ ደገፍ እኳ እንተረኸባ፡ ኩሎም ተማሃሮ ንድሕሪ ካልኣይ ደረጃ ትምህርቲ ዝኸውን ክፍሊት ትምህርቲ ክኸፍሉ ኣለዎም። ክፍሊት ትምህርቲ ከከም ትካልን መደብን ይፈላለ እዩ ግን መብዛሕትኡ ግዜ ኣብ ዓመት ካብ $2,500 ክሳብ $8,000 እዩ። እቲ ወጻኢታት ኣብ ገለ ኣጋጣሚታት ዝለዓለ ክኸውን ይኽእል እዩ። ተምሃሮ ብዘይካ ክፍሊት ትምህርቲ፡ ከም መጽሓፍ ትምህርትን ቀረብን ዝኣመሰሉ ናይ ኮርስ ንዋት ናይ ምግዛእ ሓላፍነት ኣለዎም። ኣብ እዋን ትምህርቶም እውን ንመንበሪ ገዛ፣ መግቢ፣ መጓዓዝያን ካልኦት ወፃኢታትን ብምኽፋል ነብሶምን ስድራቤቶምን ክድግፉ ኣለዎም። ብዛዕባ ወጻኢታት ድሕሪ ካልኣይ ደረጃ ትምህርቲ ኣብ ፕሮግራም ፋይናንሳዊ ሓገዝ ተመሃሮ ካናዳ ጠቓሚ ሓበሬታ ክትረኽቡ ትኽእሉ ኢኹም።